Imaammataa fi Tarsiimowwan
Imaammataa fi Tarsiimoo Misooma Horsiisee Bulaa Oromiyaa bara 2026 jechuun sirna bal’aa kan qophaa’e yoo ta’u, kaayyoon isaa jireenya, dandamannaa fi misooma itti fufiinsa qabu hawaasa horsiisee bulaa fi horsiisee bulaa-agrarii naannoo Oromiyaa keessatti fooyyessuudha. Imaammatichi guddina dinagdee, itti fufiinsa naannoo, nageenya hawaasummaa fi dandamannaa jijjiirama haala qilleensaa irratti xiyyeeffata. Akkasumas, eenyummaa aadaa hawaasa horsiisee bulaa eeguudhaan misooma itti fufiinsa qabu mirkaneessa.
Mul’ata
- Hawaasa horsiisee bulaa jabaa, naga-qabeessa fi badhaadhaa ta’e, naannoo isaa fi safuu aadaa isaa waliin walmadaalchisee jiraatu ijaaruu.
Kaayyoo Gurguddoo
- Hiyyummaa dhabamsiisuu fi nageenya nyaataa fooyyessuu
- Bu’a qabeessummaa horsiisa beeyladaa fi qonna lafa gogaa guddisuu
- Bulchiinsa qabeenya bishaanii cimsuu
- Lafa dheedichaa fi sirna naannoo deebisanii haaromsuu fi eeguu
- Infrastrakcharii fi tajaajila hawaasummaa babal’isuu
- Dandamannaa jijjiirama haala qilleensaa fi bulchiinsa balaa uumamaa fooyyessuu
- Nageenya, bulchiinsa gaarii fi furmaata walitti bu’iinsaa jajjabeessuu
- Indaastirii guddisuu fi carraa hojii uumuu
- Qorannoo, kalaqa fi fudhannaa teeknooloojii cimsuu
Bu’uura Imaammataa Gurguddoo (Key Policy Pillars)
1. Guddina Dinagdee
- Horsiisa beeyladaa fi tajaajila fayyaa beeyladaa fooyyessuu
- Qonna lafa gogaa teknooloojii ammayyaa fayyadamuun babal’isuu
- Daldala xixiqqaa fi kalaqa hojii daldalaa jajjabeessuu
- Gahumsa gabaa fi misooma si’ataa tarsiimoo daldalaa (value chain) deeggaruu
2. Itti Fufiinsa Naannoo (Ecological Sustainability)
- Lafa dheedichaa eeguu fi deebisanii haaromsuu
- Bulchiinsa lafaa fi mirga lafaa hawaasaa fooyyessuu
- Sirna kuufama bishaanii fi jallisii babal’isuu
- Bulchiinsa qabeenya uumamaa itti fufiinsa qabu jajjabeessuu
3. Misooma Hawaasummaa
- Barnoota, fayyaa, daandii, humna ibsaa fi tajaajila qunnamtii fooyyessuu
- Gahumsa tajaajila faayinaansii fi sirna waldaalee (cooperatives) cimsuu
- Dubartoota, dargaggootaa fi gareewwan miidhamoo deeggaruu
- Ijaarsa nageenyaa fi hirmaannaa hawaasummaa jajjabeessuu
Bu’uura Imaammataa Gurguddoo (Key Policy Pillars)
- Sirna qonnaa fi horsiisa beeyladaa haala qilleensaa waliin walsimatu jajjabeessuu
- Qophii balaa fi sirna akeekkachiisa dursaa cimsuu
- Tumsa horsiisee bulaa daangaa ce’aa cimsuu
- Qorannoo fi walitti hidhaminsa teeknooloojii dijitaalaa cimsuu
- Magaaloomina itti fufiinsa qabu fi misooma indaastirii jajjabeessuu
Bu’aalee Eegaman
Imaammatichi jireenya itti fufiinsa qabu uumuu, nageenya nyaataa fooyyessuu, carraa dinagdee guddisuu, eegumsa naannoo cimsuu fi hawaasa horsiisee bulaa jijjiirama haala qilleensaa fi qormaata dinagdee dandamachuu danda’u ijaaruuf kaayyeffata.
Qajeelfamoota Bu’uuraa (Guiding Principles)
- Hammatummaa fi hirmaannaa hawaasaa
- Itti fufiinsummaa fi dandamannaa
- Qindoominaa fi walitti hidhamiinsa
- Aadaa horsiisee bulaa fi dhaabbilee aadaa isaanii kabajuu
- Qabeenyaa fi carraa misoomaa irratti gahumsa walqixxaa mirkaneessuu
Odeeffannoo dabalataa fi dubbisa bal’aaf, mootummaa sanada guutuu buufatanii akka dubbistan kabajaan isin affeerra.